Nöldur og nuð

Skóli

2006-01-22T20:41:00.000Z

Hvað er orðið langt síðan ég skrifaði hingað inn síðast? HELLINGS langt...

smá briefing:
Náði Almennunni
Er að lesa eins og vitleysingur lögfræði, er alltaf til 6 á hlöðunni virka daga.
Síðan er farið í Flugskólann og þar á námskeiði til 10.
Haugur að lesa, Heimspeki er ekkert grín. Ég ætla aldrei að gera grín að heimspekiskor aftur.
Var hálf boðin vinna í gær. Gott tilboð en ætli ég taki ekki og fjárfesti í framtíðinni og segi pass.

Kv. Lærdómur

P.s. Hvernig var það átti ekki skíðamaðurinn að aðstoða mig við uppfærslur á þessari síðu?

Almenn leiðindi

2005-11-09T14:16:00.000Z

Jæja, þetta er nú alveg til að drepa hvern mann. Mætti klukkan 8 til að fara í einhverja tíma og hvað gerist, jú maður fer í einn grautfúlan eðlisfræðitíma, þar sem nota bene 5 voru mættir í þegar hann var að fara að byrja að kenna. Og síðan ekkert meir, línan féll niður og ég fékk að sjálfsögðu að vita það klukkan hálf tólf eða eitthvað. Margir væru ánægðir með þetta svo þeir gætu farið heim, en ég hef ekki samvisku í að strjúka heim svo snemma, þannig að ég er bara búinn að hanga hérna í guð má vita hvað marga tíma og hef afkastað svo miklu sem....engu :( Það er nú samt gaman að fá að deila þessari gremju með einhverjum, þannig að ég stend í þakkarskuld við Tryggva að hleypa manni inn í þetta mikla dæmi sitt, sem þessi blogsíða er að verða. Veit samt ekki hvað maður nennir að vera duglegur, en á hinn boginn þarf ég nú ekki að vera mjög duglegur til að slá eigand síðunnar við :P Væri gaman að fá smá "fíídbakk" á hvort maður eigi yfirhöfuð að vara að þessari vitleysu.....

Ég segi þá bara viel Spass und auf wieder sehen.......

Titill óskast

2005-11-02T20:21:00.000Z

Ég fór þarna í kokteil í ESSO á föstudagskvöldið, mjólk var veitt í ágætismagni og eiga þeir hrós skilið fyrir það, ég er nú samt ekki alveg búinn að fyrirgefa þeim fyrir samkeppnisdæmið um árið, greinilegt að í þessu fyrirtæki er lagt mikið uppúr samvinnu og hópdæmi. Síðan lá leið á Hverfisbarinn þar sem skemtunin hélt áfram. Merkilegt samt hvað lögfræðingar vaða í villu og svima um að þegar þeir séu orðnir ögn kendir þá séu þeir meistarar dansgólfsins. Þegar geðsjúklingar í öðrum deildum lesa yfir sig telja þeir sig vera Napoleon eða einhvern viðlíka, en ég held að það í lok viku hins almenna laganema, haldi þeir að þeir séu Fred Astair eða Ginger Rogers. (það að ég viti þessi nöfn er Gettu betur að kenna, ekki að ég sé "sérstakur", sá sem heldur því fram skal bannfærður og dæmdur til eilífðarvistar í línulegri algebru....

Metnaðurinn mætti allveg vera meiri þessa dagana þó ég sé langt frá því að vera í bullinu. Ég læt með fylgja mynd af félaga mínum í lögfræðinni þar sem öskrandi metnaður er í gangi.... Sorry Gunnar (sem veit ekki af þessari síðu)

Letilíf

2005-10-30T17:45:00.000Z

Það er ekki allveg sami dugnaðurinn í manni og í byrjun, hann er samt allveg til staðar, fer að keyra upp pressuna hvað úr hverju. Bíllinn fer í réttingu á mánudaginn, verður fínt að geta látið sjá sig aftur (Það er bara ekki boðlegt að aka um á beygluðum bíl!!). Það fer líka að styttast í að ég skuldi einhverjum ís, fæ líklegast útúr prófinu fyrir lok þessarar viku. Annars er nú fátt að frétt.... humm hvað getur maður sagt

....auf wieder hören

Tilraunir

2005-10-26T12:53:00.000Z

Ég hef verið nett latur síðustu tvo daga. Svona eða þannig er enn að ná mér á strik eftir törnina í síðustu viku. Er að fara í kynningu í Hæstarétt að skoða kofann. Síðan er kokteill næsta föstudag í boði bensínokrarans ESSO, ætli þeir séu að leita sér að upprennandi stjörnum í skaðabótarétti nú eða einhverjum sem lofa góðu í samkeppnismálum. Þá hlýtur að vera lykilatriði að vera með hópvinnugenið og leita samráðs hjá þeim sem eru með þér í hóp, hvort sem um er að ræða keppni eða leik.

Ég er að reyna að læra á fídusana hérna á blogginu, fanst viðeigandi að setja mynda af lærandi manni. Þessi vitleysingur var reyndar ekki í HÍ.

Lærlingur Kveður

.....

2005-10-23T20:56:00.000Z

Þá heldur þetta áfram. Það var svosem fínt á próflokadjamminu í gær. Það var nú samt ekki eins og síðast þegar við Ágúst fórum á Hverfisbarinn, ekki eins fróðlegt.

Taldi saman blaðasíðurnar sem eru fyrir fyrstu 3 dagana í næstu viku í Almennunni litlar 303 síður!!!! eins gott að ég var duglegur í þar síðustu viku og er búinn að renna yfir þetta að stórum hlut. Þarf samt pottþétt að gera það aftur.

kallinn kveður að sinni með Rammstein í eyrunum að lesa: um fordæmi og valdmörk dómstóla höf. Jón Steinar Gunnlaugsson

Próf

2005-10-22T14:30:00.001Z

Nema menn vilji að ég hlýði þeim yfir kröfurétt, þá hef ég ekkert nýtt framm að færa. Síðustu vikuna hef ég verið alla daga allann daginn uppá hlöðu. Ég tók samann tímafjöldann í gærkvöldi. 60 tímar á 5 dögum. Það er ekki heilbrigt. Ég skal vera fyrsti maðurinn til að viðurkenna það.
Ég fann ég var orðinn slæptur í kollinum í gærkvöldi, skiljanlegt (?). Fór síðan í prófið í morgun og held það hafi bara gengið... það er pottþétt ekki fall... en spurning hvað maður fær. Ég verð eiginlega bara sáttur hvað svo sem ég fæ. SAMT.

spurning hvort menn vilji taka þátt í léttum leik í comment dálknum. spurningin er:

Hvað fær Tryggvi í einkunn?

Sá sem hittir á töluna fær fríann ís.

kveðja

In dubio pro reo

Próf

2005-10-22T14:30:00.000Z

BlogBlogBlog

2005-10-11T21:56:00.000Z

Ég þakka þeim kærlega fyrir sem lagt hafa hönd á plóg við bloggið síðustu daga. Kærkomið að þurfa ekki að standa einn að þessari viðamiklu útgáfu sem þetta blogg er að verða... úffff

Annars er flest fátt að frétta en í anda keppninnar sem ég ætla ekki að vinna/tapa þá verður að skirfa eh. Er á fullu yfir bókunum þessa dagana sæmilega langir dagar og metnaður í gangi. Það eru 11 dagar í próf eða þar um bil og spennan farin að magnast í bekknum. Er nú bara bjartsýnn á þetta.

En það er afskaplega takmarkað hvað hægt er að segja skemmtilegt þegar maður eyðir öllum deginum yfir bókunum, því er mál að linni. En "Lesandi" þér er guðvelkomið að skrifa eh meira... bara að það hljómi ekki eins og mamma einhvers að segja "jú þú eignaðist nú sænskann vin"

hilsen

Vinna/Tapa

2005-10-09T20:42:00.000Z

Maður má víst ekki tapa keppni og því verður maður að fara að blogga oftar. En til þess að blogg geti talist blogg þarf maður að hafa um eitthvað að blaðra/blogga. Við Óskar hittum Kollu og Hrund á verkfræðidjammi þar sem vel var tekið á því í Ölinu. Massa gaman að hitt þær aftur. Magnað hvað maður týnir kontakt við suma.
Ég hef reyndar ekki verið eins þunnur í lengri tíma eins og morguninn eftir... USSSS. Háskalegt.

Í vikunni síðustu var slegið 11 tíma lestrar met. Það var slegið um einn tíma og er núgildandi persónulegt met því 12 tímar (verkfræðingar mega leiðrétta stærðfræðina ef hnökrar eru á útreikningum).

Að lokum Októberfest var núna á Föstudaginn. Átti í erfiðleikum með að kneyfa ölið þar sem maginn mundi eftir píningunum sem hann fór í gegnum um síðustu helgi. Því var afraksturinn aðeins 2.. Slappt en síðasta helgi er til Refsilækkunar. Við Ágúst skemmtum okkur prýðilega og hann sá um drykkjuna það kvöldið. Sjálfur beilaði ég heim um 3 leytið en hann hefur ekki hugmynd um það hvenær hann kom heim.

Sund morguninn eftir þar sem gamall karl hló dátt að vitleysunni og hinum bönnuðu sögum sem sumir létu flakka... Engin nöfn nefnd......... :)

bless í bili.

er það Súperman .... Nei Sigurður Líndal

2005-09-27T19:51:00.000Z

Ég fór í tíma í réttarsögu hjá Sigurði Líndal um daginn, og þvílík öskrandi snilld. Hann virtist reyndar eyða minstum tíma í að kenna námsefnið, eða þannig að maður tæki eftir hvernig það átti að tengjast því.. En gaurinn var standandi fyndinn allan fyrirlesturinn, kanski er ég bara svona sérstakur en ég átti erfitt með mig á köflum. Bekkurinn hló líka, en ég hef lúmskann grun um að það hafi verið af mér... (bara djók).

Annars er lögræði merkilega athyglisver'. Hver vissi að það væri hægt að skemta sér yfir þessu? Ég er líka að klára síðustu vaktina mína á fimmtudaginn. Nett feginn, þar sem ég mætti beint í skólann eftir næturvakt á mánudaginn, og hef engann sérstakann áhuga á að endurtaka það á næstunni.

H
ættur i bili.

Bækur

2005-08-25T05:32:00.000Z

Jæja er búinn að kaupa megnið af bókunum. 40 þúsund ríkisdalir útum gluggannn.
Þá er víst næst að lesa þennann fyrrverandi frumskóg. Ég er annars bara temmilega upplagður fyrir skólann, það er nettur spenningur í gangi, þó sammt ekki eins og maður sé að byrja í 6 ára bekk.....

Ég tók og fjárfesti einnig æi sjálfrennireið á dögunum og er enn að venja mig við gripinn, smá skref uppávið frá "krúttinu" eins og sumir hafa uppnefnt bílinn.

2005-07-26T03:40:00.000Z

Fjarvera

2005-07-26T03:24:00.000Z

Sælt veri fólkið.

Smá tilkynningar, ég er að fara yfir verslunnarmannahelgina, Ég er reyndar ekki að fara til eyja eða á eithvert blautt djamm, heldur Mallorka með familíunni. Fer á miðvikudaginn og kem viku síðar.

Við strákarnir höfum siglt töluvert undanfarið og stefnum ótrauðir á íslandsmótið. Eitthvað hlé verður á skiulöggðum æfingum en við tökum væntanlega upp þráðinn þegar nær dregur.

over and out

Háskóli

2005-07-21T20:52:00.000Z

Sælar...

Hey ég er búinn að afþakka fasta stöðu í flugumsjón og hef áhveðið að fara í háskólann. Stefnan er eins og er sett á lögfræði, en þeir sem þekkja mig vita að það er allt eins líklegt að ég skipti um fag allt að 3x áður en ég byrja(hefur nú þegar gerst einu sinni).

Ég er hinsvegar búinn að ráða mig í vinnu næsta sumar(ekki seinna vænna). En hugmyndaauðgin er ekki meiri en svo að það er á sama stað...

Það er greinilegt að það eru allir hættir að lesa þetta, þar sem ekkert comment hefur borist við neinum af skrifum mínum... shame on you....!*&%$&$.

L8'er gamli

Im alive

2005-07-18T01:00:00.000Z

Sællt veri fólkið.

Ég reyndi að blogga hér um daginn en það gekk ekkii allveg, var búinn að skrifa massa langa grein sem savaðist ekki þegar til kastanna kom. Auðvitað varð ég massa pirraður og nennti ekki að skrifa hana aftur þannig að ég fékk mér bara annan kaffi og sleppti blogginu.

En annars var ég að keppa um daginn á SECRET 26 bátnum. Ég var með nokkrum strákum úr klúbbnum. Við tókum æfingakeppni fyrir Grand Keflavíkur keppnina á þriðjudaginn og lenntum í 4 sæti af 10 bátum sem mér fannst svona viðunandi þar sem þetta var fyrsta sigling okkar allra saman, fyrsta sigling mín þetta árið og ein af ca 5 síðustu 2 ár. Um helgina kepptum við síðan frá Reykjavík og yil Keflavíkur, þar vorum við í 2 sæti á leiðinni, og loks á laugardaginn var brautarkeppni fyrir utan keflavík sem vð lenntum í 3 sæti í 4 sek á eftir næsta bát og það í rúmlega 3 tíma keppni. Það er svo sorglegt að ég get ekki einusinni verið pirraður yfir því.

Við stefnum ótrauðir á Íslandsmótið í Ágúst og vonandi að það gangi vel.
Ég er annars að gera upp við mig hvað ég eigi að gera í vetur, hvort ég eigi að vinna áfram eða hvort ég fari ekki í HÍ og þá í lögfræði, það kemur í ljós á næstu dögum.

Að lokum: ef einhver verið í vafasömum samtölum við mig á MSN þá gleymdi ég því uppi í vinnunni um daginn og vinnufélagar mínir tóku og fokkuðust í einhverjum.... vonandi ekki illilega

chao

jamms

2005-07-13T17:49:00.000Z

Ég fór að sigla núna á þriðjudaginn, sem er magnað fyrir þær sakir að ég hef kanski
siglt 5 sinnum á síðustu 2 árum. Það gekk bara sæmilega við strákarnir tókum þátt í Þriðjudagskeppni í Reykjarvík og lenntum í 4 sæti, sem hljóta að teljast viðunandi úrslit. Það gekk nú ekki allt upp en samt var þetta bærilegt, ég átti reyndar von á að fá u.þ.b. 9 kærur á mig fyrir að "pumpa" sem er siglingahugtak..... Það er spurning hvort fólk vilji fara að kíkja með. (ef nokkur maður kemur hingað á síðuna lengur).

Það eru áframhaldandi æfingar út þessa vikuna, við srákarnir stefnum á að keppa í Grand Keflavíkurkeppninni um næstu helgi og ætlum að nýta tímann vel þangað til.

Later Gamli

Hitt og þetta/eitt og annað

2005-06-05T11:04:00.000Z

Jæja þvert á við það sem mætti halda af blog ó/skrifum mínum er ég ekki búinn að leggja lyklaborðið á hiluna. Ég lofa að taka mér tak og ver duglegri að skrifa svo lengi sem einhver nennir að lesa þennan krapa. Ég gerðist svo frægur að labba uppá Esjuna. Auðvitað var valin vitlaus leið þannig að síðasti hlutinn var heldur lóðréttur. Þetta átti meira skylt við klifur en göngu... Á toppnum lá ský og var skyggni um 30-50 metrar. Það var reyndar kostur þar sem það sást styttra niður í klifrinu. Af þessum sökum lét lofthræðsla ekkert á sér kræla. Það er þó vissara að fólk láti af þeirri iðju að klípa mig í rassinn (og taki þeir til sín sem eiga!!) því ég er enn hel aumur á köflum..

En aldrei þessu vant er ekki allt vitlaust að gera í vinnunni.... sem er gleðileg tilbreyting. Maður er allur að koma til, jah eða vonar það a.m.k. Þar er kanski hluti af ástæðunni fyrir metnaðarleysi í skrifum kominn. er ekki nóg að sitja fyrir framan tölvu 11-13 tíma á dag þegar maður er í vinnunni(en ef maður situr fyrir framan 2 tölvur ætti það ekki að vera 22-26 tímar)

En nóg af bulli og blaðri í bili/tuði og suði

chao

smá pæling

2005-05-24T05:43:00.000Z

Ég veit ég er latur en... Er að skoða möguleika á hlutum til að læra í framtíðinni... margt sniðugt og líka missniðugt en niðurstöðu að vænta fljótlega. Hlutirnir fara að skýrast ég geri ráð fyrir að koma með bráðabirgðarniðurstöðu á miðvikudaginn. En þangað til (dum dum dum dummmmmmmmmm...) (spila skal tocada og fuga e. Bach) Jæja ætla að vinda mér í að prenta út veðrið fyrir þessar áldósir.

Of mikill frítími

2005-05-08T20:39:00.000Z

Ég bjóst ekki við að hægt væri að kvarta yfir því að hafa of mikinn frítíma, en vá það er greinilega hægt... Eftir að hafa staðið á haus í vinnu og skóla stærrihluta sólahringsins í u.þ.b. ár er það eiginlega mannskemmandi að hafa 15 frídaga í mánuði allt í einu, sí svona sjáiði, eins og kallinn sagði...
Metnaðurinn í Flensborg var nú ekki til fyrirmyndar og ætla mæti að ég rynni aftur í það form með meiri frítíma en vá það er ekki. Það er líka ótrúlega skrítið að vera að fóta sig í nýrri vinnu. Fara úr því að vita svo til allt sem gerist yfir í að krafla rétt í yfirborðið og vera eins og rati. (þessi er eins og að vera kominn aftur í stærðfræði hjá Danielle góðvinkonu minni). Ég hef því áhveðið að taka upp áhugamál sem taka mun upp meirihluta frítíma minn. Reyndar er ég ekki viss um hvað það ætti að vera en uppástungur eru vel þegnar t.d. í comment dálknum undir greininni... *** viel spas ***

Greetings from Usbekistan

2005-05-04T14:45:00.000Z

Þættinum hefur borist bréf. Þar sem þess er krafist ða ég skrifi meira ruglum bull hér inn og að það verði gert tíðar en verið hefur. Þátturinn fagnar þessari þróun og vill hampa "Anonymous" fyrir veittann stuðning og að vera greinilega einn mesti smekk-maður/kona landsins.

Ég fór í Tecknósport í dag í fyrsta sinn. Þetta var einnig í fyrsta sinn sem ég lyfti lóðum í 5 ár!!! Þegar ég trítla inn og lít í kringum mig í leit að góðu útsýni varð ég fyrir töluverðum vonbrigðum. Það er vonandi að útsýnið fari batnandi á næstu vikum. Það er spurnig hvort augnakonfekt landsins geti ekki tekið sig saman og farið að mæta á svipuðum tíma og ég það má semja um tíma og þá er síminn hjá mér 695-0524.
(Hvað með mætingu kl. 4 á morgun?). Er annars enginn sem á kort þarna og vantar æfingafélaga?

Að lokum: fyrsta næturvaktin er í kvöld og forvitnilegt að sjá í hverskonar formi ég verð kl. 9:00 í fyrramálið þegar ég kem heim. Tekið er á móti veðmálum og eru flokkarnir 2. dauður/lamaður

kveðja frá úsbekistan

Næsta stríð

2005-04-26T08:22:00.000Z

Þá er skólaprófið að baki og ég get farið að einbeita mér að flugmálastjórnarprófinu.
Niðurstaðan úr skólaprófinu var ekki allveg að óskum en ég held ótrauður áfram, smelli einum íþróttafrasa á það: þetta var bara ekki minn dagur, dagformið var ekki til staðar. En ég er fullur bjartsýni á að ég ná mér á strik fyrir næsta próf sem er á föstudag. Það eru atriði sem voru að fara forgörðum sem munu ekki gerast aftur.

Ein pæling að lokum. Ég fór í fótbolta með strákunum um daginn og er enn með harðsperrur! Ætli maður geti fengið öryrkjabætur ef þær fara ekki að lagast?

p.s. en ef maður er á 100% bótum fyrir? ;)

Það var nú það

2005-04-23T15:18:00.000Z

Það var nú eins gott að ég var ekki með neinar yfirlýsingar þarna um daginn..... úf þetta var bara brútal próf. Við erum að tala um það að það komu spurnignar úr fleiri en einu fagi sem búið var að gefa út að yrði EKKI spurt úr. síðan kom tegund af veðurfræðikorti sem hefur ekki verið notað í 15 ár og ekkert okkar hafði séð áður. Flugplanið sem við áttum að vinna uppúr var gallað. Við áttum að nota punkta sem voru hreinlega ekki á kortinu (okkur var ekki einusinni sagt frá því). Til að toppa allt þá var hreinlega ekki gert ráð fyrir réttu svari í a.m.k. einu dæmi... þetta var alger hryllingur. Það var hreinlega farið að rjúka úr sumum þegar leið á. Það má segja að ég hafi verið orðinn "nett" pirraður.

En ég þarf semdagt að standast þetta próf til að fáað fara í flugmálastjórnarprófið næsta föstudag. Það er ekki nóg að slefa með 4,5 heldur litla 7,5.... takk fyrir góðann daginn og gleðileg jól.

Erfiðir dagar

2005-04-20T20:52:00.000Z

Það er farið að síga á seinnihlutann á flugumsjónarnámskeiðinu. tregablandin tilfinning sem fylgir því. Það verður reyndar ágætt að ná að sofa meira en 5 tíma á sólahring, en trodzdem. Skólaprófið er á föstudaginn og flugmálastjórn næsta föstudag þar á eftir. Síðan tekur alvaran við sunnudaginn þá um helgina, fyrsta vaktin er 1. maí afmælisdag gamla kallsins. Það er bara að krossa fingur og vona að þetta gangi allt upp. Fínt að vera búinn að mála sig útí horn á gamlastaðnum.... Bara ekki klúðra þessu. Ætli þetta sé ekki mikilvægasta próf sem ég hef farið í. Það er hinsvegar annað mál hvort þetta sé það erfiðasta líka, sem ég reyndar efast um. En ég ætla ekki að gefa út neinar yfirlýsingar... það er á hreinu

Það er einmitt það

2005-04-15T21:26:00.000Z

Þar með hef ég gengið í hóp margra merkra blogg-pleppa. Hlýt að eiga vel heima í þeim hópi nöldrara og skoðana sjálfhverfra (sem hlýtur að vera nýyrði). Ætli það verði ekki aðeins að ráðast hvað maður skrifar um hérna hvort það verða kvartanir yfir bakverk, sjónvarpsefni eða eithvað sem skiptir minna máli....

Mál að linni í bili. byrja rólega og sjá hvernig þetta gengur
og GLEÐILEG JÓL... nei grín.... GLEÐILEGA PÁSKA ;)